Metafizika e emancipimit – ideja e emancipimit të njeriut në historinë e mendimit perëndimor

Libri: Metafizika e emancipimit – ideja e emancipimit të njeriut në historinë e mendimit perëndimor
Autor: Blerim Latifi
Botoi: Akedemia e Shkencave dhe e Arteve e Kosovës
Lektor: Shefqet Riza
Formati: 17×24
Faqe: 318
ISBN: 9789951615600

Në librin me titullin Metafizika e emancipimit – ideja e emancipimit të njeriut në historinë e mendimit perëndimor, i përbërë nga hyrja, përfundimi dhe tri pjesë, Blerim Latifi përkufizon synimin për të shpjeguar e ndriçuar ngjizjen, rritjen dhe krizën e idesë së çlirimit, gjegjësisht të emancipimit të njeriut përmes analizës së fillesave mitike të kësaj ideje, botëkuptimeve religjioze dhe sekularizimit iluminist të saj në kohët moderne.

Autori e konsideron njohjën e kompleksitetit të kësaj problematike si një nga “rrugët më të mira për të kuptuar kompleksitetin e vetë modernitetit”. Duke u nisur nga analizat e Lyotard-it për qëllimin e fundit të historisë njerëzore, nën emrin e “emancipimit” si instance legjitimuese e gjithë pluralitetit të praktikave të modernitetit, Latifi trajton krizën e modernitetit si rrjedhojë e krizës që shfaqet brenda kësaj instance.