Gjuha Shqipe 1/2012
Libri: Gjuha Shqipe 1/2012
Botoi: Instituti Albanologjik
Kryeredaktor: Qemal Murati
Faqe: 112
Në këtë përvjetor të pakëndshem për Profesorin (ai u nda nga jeta më 23 mars 1992), kjo që shkruhet për të, është, thjesht homazh. Kjo nuk është analizë, madje, as e përgjithshme e punës dhe e veprës së tij. Për punën dhe veprën e tij mund të shkruhet e të flitet shumë. Shumë mund të fliste një konferencë e posaçme shkencore, edhe në këtë pervjetor, por edhe në 90-vjetorin e lindjes (7 nëntor, 2012). E, edhe më shumë mund të fliste botimi i veprës së tij disavëllimëshe ( mbi 2500 faqe ) .
Ajo rrok studime për historinë e formimit të gjuhës letrare shqipe dhe zhvillimin e saj , për leksikun (tërësine e fjalëve) dhe fjalëformimin e shqipes, për leksikografine (teorinë dhe praktikën e hartimit të fjalorëve) shqipe dhe historinë e leksikografisë shqipe, për gjuhën e popullit dhe gjuhën e shtypit, për gjuhën e letërsisë artistike dhe gjuhën e shkencës, për bazën popullore të gjuhës së përbashkët letrare dhe pasurimin e saj të metejshëm etj.
