Fetvatë kanë një pozitë të lartë në fe, për këtë edhe Ibn Kajjimi këtë veprimtari e krahasoi me imzanë-nënshkrimin e vendimeve të Zotit të botëve. Nisur nga kjo, shumë prej dijetarëve të gjeneratave të para, fetvanë e shihnin punë shumë të madhe dhe me përgjegjësi, për këtë edhe i iknin fetvasë apo pyetësin e dërgonin te tjetri. Në mesin e tyre u përhap thënia: “Ai që merr guxim t’i futet fetvasë, ai merr guxim t’i futet zjarrit”. Kjo ishte si rezultat i vetëdijesimit të tyre për seriozitetin e çështjes dhe për përgjegjësinë e madhe para All-llahut të Madhërishëm. Duhet ditur faktin se prej krimeve më të mëdha në Islam është krimi i atyre të cilët thonë për All-llahun atë që nuk e dinë, duke e lejuar në këtë mënyrë të ndaluarën apo duke e ndaluar të lejuarën, duke mos pasur për këtë leje prej All-llahut të Madhërishëm.

Të gjithë jemi të interesuar dhe duam të dimë për shumë çështje që na shqetësojnë. Disa çështje mundemi që ti parashtrojmë dhe të pyesim hoxhallarët nëpër xhami dhe e marrim përgjigjen. Ndodh që për disa arsye, të cilat janë të shumta nuk marrim përgjigje ose nuk jemi në gjendje që të pyesim, sidomos për çështje shoqërore dhe familjare. Morali dhe edukimi është i një rëndësie tepër të madhe dhe të gjithë e dëshirojmë. Ky libër të cilin ju mund ta keni në duar tani , është një ndihmëtar shumë i mirë dhe një orientues për ato vlera dhe norma shoqërore që ne i dëshirojmë. Edhe rënditja e temave na e bën të mundur që nëse nuk kemi kohë të lexojmë gjithë librin ne mund të shfletojmë dhe të lexojmë vetëm për ato çështje që jemi të interesuar. Lusim Allahun xh.xh. që të përfitoni sa më shumë dhe të jetë ky libër shkak për përmirësimin e moraleve dhe sjelljeve tona. Qofshin ato në rrafshin individual apo shoqëror.

Fetva (konkluza) është ngërthurje, eklektizëm i pothuajse të gjitha temave që e brengosin intelktualitetin e nji muslimani të këtij shekulli. Me shumë urtësi Sharavi u jep përgjigje një mori temave e pytjeve pa mos e vënë në siklet dhe në vështirsi muslimanin e sodit…