Kam frikë se mos humbas në thellësinë e syve të tij që kanë një forcë tërheqëse të çuditshme… duke mos i bërë dot ballë kësaj “magjie fallxhorësh”.
“Jam dashuruar me ty, Piraje!”
Fjalët i derdheshin nga buzët me një gjuhë të thjeshtë, duke u bërë një me trupim, duke përndezur gjithçka, sikur kur thoshin: “Më burgos edhe mua brenda në të”. Është hera e parë që përjetoj një ngrohtësi të tillë. Sikurse është hera e parë që i dëgjoja këto fjalë. Ngaqë nuk isha e bindur se ç’përgjigje do të merrja, apo ngaqë kujtoja se nuk do t’i shprehja siç duhej ndjenjat e mia për të, zgjodha të heshtja. Edhe pse nuk jam e sigurt se sa do t’i fshihja ndenjat e mia ndaj tij, e kuptova që fjalët e tij më kishin prekur shumë.