Mund të këtë qenë viti 1985 (nuk jam edhe aq i sigurt, sepse asnjëherë nuk e kam pasur ndjesinë e të qenit pedant dhe ruajtjes së mijëra e mijëra shkrimeve të botuara gjithandej në gazeta e revista të ndryshme) kur në faqet e kulturës të gazetës RILINDJA m’u botoua tregimi me titull “Vëllai i Vogël”, i cili tregim atëbotë qe pritur mjaftë mirë, sidomos në qarqet letrare të Prishtinës. Nga ky tregim lindi romani “Kthimi”, i cili u botua nga ana e redaksisë së “Flakës” në vitin 1992. Më pastaj, ky libër, iu nënshtrua një përpunimi dhe u ribotua në vitin 1997.