Në këtë punim do të trajtohen çështje që kanë të bëjnë me ndikimin e teknologjisë në prodhimin e folklorit. Do të trajtohet koncepti për folklorin, për kufijtë e këtij koncepti dhe mundësitë e zgjerimit sot kur folklori përballet me përparimet teknologjike, si edhe çështja e statusit të rrezikuar të folklorit, në rast se ai vazhdon të konceptohet si i tillë çfarë ishte në të kaluarën.

Lufta e fundit e iniciuar nga Ushtria Çlirimtare e Kosovës ka frymëzuar këngëtarët popullore për krijimin e këngëve të reja me tematikën e luftes. Ideja qëndrore e këngës është fuqizimi i ndjenjës morale dhe kultivimi i ndjenjës patriotike. Tematika e luftës, e qëndresës dhe e sakrificës është e lashtë sa është i lashtë njerëzimi, prandaj edhe shumë motive përsëriten në vazhdimësi nga një kohë në tjetrën, gjithnjë duke i shprehur specifikat e ngjarjeve përkatëse.

Kultura si tërësi e arritjeve të gjithëmbarshme dhe historia si tërësi e fakteve, e ngjarjeve dhe e dukurive të rëndësishme që i përkasin të kaluares janë dy përbërësit identitare në jetën e secilit komb. Këto dimensione të veçantisë kombëtare i ka edhe kombi ynë.

Para një viti nisi Java e albanologjisë. Si çdo nismë tjetër edhe kjo shoqërohej nga dilema për suksesin e saj. Megjithatë, u quajt si e arsyeshme nevoja që Instituti Albanologjik, si institucioni shkencor me traditën më të gjatë të punës në Kosovë, ta ketë aktivitetin e tij të përvitshëm shkencor. Interesimi i madh i albanologëve për të prezantuar rezultatet e punës së tyre kërkimore po ashtu ia ka dhënë një impuls pozitiv nismës sonë.