Gjatë vitit të fundit të studimeve universitare hasa në një libër të titulluar “El-Fitre – Natyrshmëria” e shkruar nga dijetari i mirënjohur arab, Selman Fahd El-Aude. Isha tepër i impresionuar nga përmbajtja e atij libri, për shkak të lidhshmërisë së tij me individin dhe shoqërinë. Fjala arabe ‘El-Fitre’ nënkupton instinktet natyrore me të cilat Allahu i Madhërishëm’ e ka pajisur njeriun. Këto instinkte ia mundësojnë atij bartjen e rolit si udhëheqës, në mënyrë të duhur dhe me efikasitet.