Në këtë libër do të shihni se si arritën disa gra muslima të mësojnë Kur’anin përmendësh krahas problemeve të shumëta shoqërore dhe krahas moshës shumë të shtyer të tyre. Një grua plakë në moshën 73 vjeçare arrinë të mësojë Kur’anin përmendësh edhe pse shëndeti dhe mosha e saj e shtyer ishin pengesë e madhe por vullneti dhe dashuria që ajo ushqente ndaj librit të All-llahut, ia arriti qëllimit. Ose një analfabete e mëson tërë Kur’anin përmendësh vetëm duke e dëgjuar atë, madje një grua tjetër e mëson atë çdo ditë nga pak duke ruajtur bagëtinë në fushë. Ose një tjetër, edhe pse e verbër, e mëson Kur’anin permendësh duke e dëgjuar atë nga kasetat e inçizuara me Kur’an etj.