Sidoqoftë, ky është margaritari i traditës sonë islame, respektivisht, është libri i parë i tefsirit të Ibn Kethirit i përkthyer në shqip, ku përfshihen dy suret hyrëse të Kuranit Fisnik – El Fatiha dhe El Bekare. Shpresojmë dhe lutemi që ky margaritar të jetë dije për zemrat e gjalla, shërim për zemrat e sëmura dhe ngjallje për zemrat e vdekura për të cilat edhe na flet Krijuesi i zemrave nëpërmjet Librit të Tij, të dërguarve të Tij si dhe trashëgimtarëve të tyre në këtë rast të dijetarit të nderuar Ibn Kethirit.

Me fillimin e botimit të versionit të shkurtuar dhe redaktuar të komentimit të Kuranit nga dijetari erudit Ibn Kethiri, shpresojmë që traditës së nënqiellit tonë i shtohet edhe një minare e lartë nga e cila vijnë thirrjet për shpëtimin e njeriut tonë.