Duke pasur parasysh këtë, ne këtë libër kam cekur shumë këshilla dhe ligjërata, që do të duhej të jetë e mjaftueshme për të gjithë ata që do ta lexojnë. E këshilloj lexuesin ta lexojë ashtu që përmbajtja e tij do ta përkujtojë dhe do ta stimulojë që, se pari, të mendojë për vetveten, e mandej t’ua përkujtojë dhe t’i udhëzojë në të edhe të tjerët. Allahu dhe i Dërguari i tij na e urdhërojnë edhe njërën edhe tjetrën. “Bëhuni dijetarë të mësimeve të Zotit, ngase u kemi mësuar njerëzve librin dhe e keni studiuar atë. (Ali Imran. 79). Disa komentues të Kur’anit thonë: “Kuptimi i këtyre fjalëve është: të jetësoni atë që ua mësoni njerëzve, e që ju e keni mësuar prej Librit.