Enciklopedia imagjinare

Libri: Enciklopedia imagjinare
Autor: Bajram Kosumi
Botoi: Botimet Artini
Recensent: Akademik Rexhep Qosja
Lektor: Merxhan Avdyli
Korrektor: Majlinda Toçi
ISBN: 9789951232869

Enciklopedia imagjinare është eksperiment i madh me letersinë: me zhanrin letrar, me tematikën dhe me tipin e ligjërimit. Ndryshimi shfaqët që në titull: ai përmban një element shkencor (enciklopedia) dhe nje element artistik (imagjinata).

Elementi enciklopedik shpërfaq nje mendim të thellë për njerëzit, mendimet, veprimet, proceset dhe për shfaqjet psikologjike, sociale e historike në jetën e ishullarëve, personazheve të Enciklopedisë… Kjo qasje i ka krijuar autorit mundesinë e gjithëpërfshirjes së jetës së njeriut në procedeun letrar, me fokus, të shqiptarëve dhe ballkanasve.

Elementi imagjinar shpërfaq një botë pa kufi, të njëmendësisë e të nënvetëdijës, të historisë e të imagjinatës, në tri kohë, ku jetojnë dhe lënë gjurmë ishullarët. Kjo qasje i jep librit përmasën letrare e jo historike, si dhe ndikimin estetik te lexuesi. Ky ligjerim poetik, ne formë të ligjerimit enciklopedik, eshtë origjinal dhe sjell një shije të re estetike.

Mbiemërimi postroman është vula e këtij eksperimenti dhe e vendos Enciklopedinë imagjinare në hierarkinë e teksteve letrare.