Porta e Dervishëve
Libri: Porta e Dervishëve
Autor: Ahmet Umit
Përktheu: Xhimi Lazri
Redaktor: Rexhep Hida
Botoi: Shtëpia Botuese “Fan Noli”
Formati: 14x22cm
Faqe: 444
ISBN: 99789928165855
Dhoma ishte e ndriçuar paksa nga një dritë e kuqe që vinte nga fundi i qiriut. Ajo dritë ogurzezë me flakë regëtuese dukej sikur shkarraviste muret. Kur u futa, hija ime e errët, njëlloj si tërbimi që kisha brenda, u shtua dhe pushtoi gjithë dhomën. U tulata në errësirën e tërbimit tim dhe prita. Nuk kaloi shumë dhe vajza ngutej të mbërthente kopsat. Ashtu kishte bërë edhe atë mëngjes kur ishte zgjuar përbri meje, por në mbrëmje i kishte zbërthyer për dikë tjetër. Mbërriti me vrap. Eci dhe ndali përballë pasqyrës në mes të dhomës, duke u përpjekur të shtronte brenda shallit të qëndisur flokët e shprishur, sikur të ishin flamur rebelimi i dashurisë së saj të ndaluar.
