Vetëm një natë – tregime dhe novela
Titulli: Vetëm një natë – tregime dhe novela
Autori: Uran Butka
Për botuesin: Genti Gjonaj
Grafika: Studio grafike Bjorn
Faqe: 188
Shtëpia botuese: Bota Shqiptare
Shkrimtari, historiani dhe ish – deputeti i parlamentit shqiptar, Uran Butka, publikon një tregim i shkurtër, të cilin e ka shkruar gjatë periudhës komuniste, kohë në të cilën literatura kundër linjës së Partisë konsiderohej akt tradhtie dhe dënohej.
Këto janë një sërë tregimesh të këtij lloji, që botohen në gazetë për herë të parë. Ky tregim na rrëfen historinë e Syrja Qafëzezit, i cili luftoi tok me nacionalistët kundër gjermanëve gjatë Luftës së Dytë Botërore dhe për këtë komunistët mbas lufte e vunë në listën e zezë.
Syrjai detyrohet të ikë nga fshati i tij për t’i shpëtuar arrestimit dhe u fsheh në pyjet përreth. Fati i tij do të vendosej disa muaj më vonë, në varrimin e të atit. Këtu, komandanti ushtarak i zonës, së bashku me ushtarët shpejtoi ta kapte – një thyerje e paprecedentë e traditave të varrimit.
Syrjai i premtoi se do të dorëzohej vetë, sapo të mbaronte ceremonia e varrimit. Dhe e mbajti fjalën e dhënë. Historia mbyllet me komandantin që reflekton me vete në stacionin e policisë: “Nëse nuk do të ishte paraqitur ai, prangat do të m’i kishin vënë mua”.
