Tretmani Kuranor i stresit

Titulli: Tretmani Kuranor i stresit
Titulli i origjinalit: Kur’anski Tretman Stresa
Autor: Edin Tule
Përktheu nga boshnjakishtja: Dr. Ali F. ILJAZI
Lektor: Hasan Arllati
Radhitja në kompjuter: Fahrudin Iljazi
Përgatitja për shtyp Ardi-Graphic
Kopertina: Ardi-Graphic
Shtëpia botuese: Ardi-Graphic – Gjakovë
Shtypshkronja: Litografia

Libri “Tretmani Kuranor i Stresit”, i psikologut dhe autorit të mirënjohur boshnjak Edin Tule i përkthyer nga Prim.dr.med.sc. Ali F. Iljazi meriton vëmendje dhe vështrim të veçantë, pasi sjell pikëpamje të reja dhe tregon për qasje të reja në studimin e leximin e Kur’anit, dhe përmes një qasjeje interaktive lexuesin e angazhon të mendojë për mesazhet e pashtershme kur’anore që i dërgohen njerëzimit.

Ky libër është i pari i këtij lloji tek ne, ku autori i qaset njeriut nga këndvështrimi i intelektit dhe psikës së tij. Libri jep përgjigje në një pyetje të vetme: Çfarë na pengon që të frymojmë me mushkëri të plota në jetë dhe t’i realizojmë tërë potencialet tona, pa marrë parasysh faktin që për çdo ditë komunikojmë me Mentorin Multimiliarder, i Cili mezi pret që të na hapë thesaret e Tij dhe të na dorëzojë në dispozicion?

Si përgjigje në këtë pyetje, ky libër ofron receta shumështresore për hapjen e thesareve tek ne, substanca psikoaktive në formë të programeve intelektuale, sportive dhe ushqimore, të cilët do t’ju sjellin në gjendje të hipersensibilizimit të shqisave në botën e efekteve të ngadalësuara dhe të mbuluara në leximin e mendjes aktive. Është tejet interesante se si autori i qaset problemit të stresit. Sipas tij, burimi i stresit janë çështjet e pazgjidhura ekzistenciale, të cilat na sillen me dekada të tëra në kokat tona.

Në shekullin 21 përjetojmë përrallën për jetimët e gjeneratës së fundit politike e cila forcën e idhujve të rrejshëm bashkëkohorë do ta largojë nga ariu, nga i cili kur e shqyejnë do të kërcejë ujku, nga zemrat e të cilit do të kërcejë dhelpra, ndërsa nga hapja e zemrës së saj do të kërcejë lepuri, e që nga zemra e tij do të fluturojë pëllumbi. Manovela kryesore e ariut dhe ujkut (sistemi politik dhe ekonomik) për mbajtjen e lepurit (individit) thellë në vrimën e lepurit, qëndron në duart e dhelprës (sistemi fetar), të cilët përmes objekteve të infrastrukturës dhe mediave, injektojnë në mesin e besimtarëve sasi të mëdha të frikës duke i mbajtur në ngërç të fortë psikologjik të vetmisë.

Libri “Tretmani kuranor i stresit” të autorit prof. Edin Tule, teologut dhe psikologut të njohur me renome botërore. Edin Tule ka lindur në vitin 1976 në Gjermani dhe për më shumë se një dekadë është trajnuar në tërë kontinentet në seminaret e inteligjencës emocionale (EQ), psikologjisë islame, lidershipit, retorikës, koncepteve edukuese dhe teknikave të meditimit.