Kujtimet luajnë me mua
Autor:Milazim Krasniqi
Shtëpia botuese:Logos-A
Botuesi:Adnan Ismaili
Kryeredaktor:Husamedin Abazi
Redaktor biblioteke:Milazim Krasniqi
Redaktor gjuhësor:Shkëlzen Halimi
Redaktor artistik dhe disenji:Edib Agagjyshi
Redaktor teknik:Sedat Halimi
‘Kujtimet luajnë me mua’ një titull mjaft metaforik,në fakt janë edhe kujtime tona që për arsye të natyrave të ndryshme,ndoshta dhe kanë filluar të zbehen.
Libri në fjalë ngërthen katër cikle: “Bari i gjallë mbi varre”, “Njerëz, aktorë, maskarenj”, “Fëmijët e revolucionit” dhe “Peizazhet e barbarisë”, të cilat përfshijnë poezi shpirtërore.
Veçantia e Krasniqit qëndron në faktin se ai me sukses arrin të portretizojë fragmente të ndryshme të kohës shqiptare,të cilat kur bëhen bashkë,formojnë një tërësi të harmonizuar të subjekteve të ndryshme. Evoluimi artistik i Milazim Krasniqit shënon një gamë të madhe të preokupimeve të tij, që shihet sidomos në këtë vëllim të ri poetik, ku vazhdojnë ta shqetësojnë kujtimet, duke i risjellë njëkohësisht dhimbje, por edhe shpresë.
