Muhamedi alejhi selam jeta e tij sipas burimeve më të hershme
Titulli: Muhamedi alejhi selam jeta e tij sipas burimeve më të hershme
Titulli origjinal: Muhammad his life based on the earliest sources
Autori: Martin Lings
Perktheu: Edin Lohja
Botuesi: Bujar Vërbovci
Faqe: 464
Profeti tani u kthye mënjanë nga Qa’bja drejt idhujve përrotull, qe e rrethonin në një qark të gjerë, treqind e gjashtëdhjetë gjithsej. Ai e ngau deven midis Shtëpisë e idhujve, duke përsëritur ajetin: E Verteta erdhi dhe e rremja u vdir. Vërtet, e remja viret prore dhe duke treguar me shkop kah idhujt, një nga një. Me të berë shenjë ai, çdo idhull përmbysej. Pasi plotësoi gjiron, ai briti dhe u fal në Mekamin e Ibrahimit, i cili asokohe ishte ngjitur Qa’bes. […] Ai qëndroi brenda Qa’bes ca kohë dhe pastaj … e hapi derën; tek qëndronte në prag me çelesin në dorë, tha: “Lavdi paste Zoti, që e përmbushi premtimin e Tij, e ndihmoi shërbetorin e Tij e i shpartalloi klanet, i Vetëm!” Mekasve të strehuar në Xhami u ishin bashkuar tashmë shumë prej atyre që ishin strehuar në fillim nëpër shtëpitë e tyre dhe po rrinin në grupe, aty-këtu, jo larg Qa’bes. Profeti iu drejtua tani atyre, me fjalët: “Çfare thoni e çfarë mendoni?” Ata u përgjigjën: “Themi të mirën e mendojmë të mirën: vëlla fisnik dhe bujar, biri i një vëllai fisnik e bujar. E jotja është të urdhërosh.” Atëherv, ai iu drejtua me fjalët e faljes që, sipas Shpalljes, u kishte thënë Jusufi vëllezërve te tij, kur i kishin ardhur ne Egjipt: “Vërtet, unë them atë që ka thënë vellai im Jusufi: Këtë ditë nuk do të ketë qortim per ju. Zoti ju fal, dhe Ai është më i Mëshirshmi i mëshiruesve.”
Dijetari, shkrimtari e urtari anglez Martin Lings (1909-2005) është përshkruar nga orientalisti i madh A. J. Arberry si “njeri, sanktiteti i të cilit të kujtonte epoken e artë të mistikëve mesjetarë”. Ai mori titullin e mjeshtrit në letërsi angleze nga Oksfordi, nën shrimtarin e njohur irlandez C. S. Lewis, i cili i quajti poezite e para të Lingsit “frymèzim i kulluar”, , kurse doktoraturën në orientalistikë nga Universiteti i Londrës, me tezën mbi veliun algerian Ahmed el- Alawi, botimi i zgjeruar i të cilës, Një shenjtor sufi i shekullit të njëzetë mbetet studimi përfundimtar reth tij. Lings ishte Mbajtës i Dorëshkrimeve Orientale në Muzeun Britanik dhe Bibliotekën Kombëtare për shumë vite, gjatë të cilave shkroi vepra kritike si Bindje të lashta e bestytni moderne dhe Vakti i parafundit: kriza shpirtërore e botës moderne, studimin madhor Sekreti i Shekspirit, përmbledhjen elegante Poezi sufiste: antologji mesjetare, hyrjen depërtuese Çfarë është sufizmi?, dhe vepren më të mirë të tij, Simboli dhe arketipi. Shrimet e tij janë përkthyer në një duzinë gjuhësh, përfshirë shipen, ku dy librave të fundit u bashkohet vepra e këtushme nga i njejti përkthyes, e cilësuar si “rrëfim magjepsës, që kombinon një dijetarí pa cene me një ndjesi të rrallë të sakrales, të denjë për temën”.
