Sami Frasheri në letërsinë dhe filologjinë turke
Libri: Sami Frashëri në letërsinë dhe filologjinë turke
Autor: Hasan Kaleshi
Botoi: Logos A
Shtypi Focus – Shkup
Formati: 14x20cm
Faqe: 176
ISBN: 9789989583513
Sami Frashëri, është pa dyshim shkencëtari më i madh që ka dhënë kombi shqiptar dhe intelektuali më i shquar i Turqisë së shekullit XIX. Gjatë një jete të shkurtër – Samiu vdiq 54-vjeçar, kur shkencëtari äshtë në kulmin e krijimtarisë së vet – Samiu shkroji më se 50 vepra, nga të cilat disa prej shumë vëllimesh. Një punë të tillë sot e bën një institut vjete me radhë. E Samiu e bëri vetë, pa bashkëpunëtor, pa administratë, pa sekretarë, madje qe i shtrënguar t’i bënte vetë edhe korrekturat.
Me të vërtetë, punë që meriton çdo lëvdatë e çdo admirim. E nëse në këtë punim – sadoqë jemi përpjekur të jemi sa më objektivë, duke e frenuar veten sa më shumë – na ka shpëtuar penda dhe kemi gjetur fjalë lëvdimi më tepër se nevojitet në një gjurmim shkencor – arsyeja për këtë duhet kërkuar vetëm se gjithnjë i kemi në dorë fjalorët dhe enciklopedinë e tij. E sa më tepër që po i përdorim, aq më shumë po zbulojmë vleftën e tyre.
