Solidariteti – qasje nga këndvështrimi islam

Libri: Solidariteti – qasje nga këndvështrimi islam
Autor: Bashkim Aliu
Redaktor: Hasan Baftijari
Lektor: Namir Lapardhaja
Korrektor: Agim Abazi
Botoi: Furkan ISM
Shtypi: Furkan Print – Shkup
Formati: 14x22cm
Faqe: 174
ISBN: 9786082162188

Komuniteti musliman duhet të jetë komunitet solidar ku të gjithë individët do të jenë të njësuar, të solidarizuar mes veti, duhet të formojnë shoqëri të fortë, humane, progresive, shoqëri që do të jetë shembull për të tjerët në çdo gjë: sinqeritet, përparim, bujari, fisnikëri, ndihmë të ndërsjelle, bashkëpunim të dendur për një të ardhme më të mirë. Këtu e theksojmë elementin fetar dhe përkatësinë e besimit si bazë të fortë dhe shtytës të fuqishëm të solidaritet. Përndryshe, solidariteti dhe humaniteti duhet të dëshmohet me të gjithë njerezit, ngase është vlerë universale dhe parim islam.

Në burimet primare islame, në Kur’an dhe Sunet, hasen shumë tekste që nxisin në bamirësi dhe solidaritet, duke e treguar vlerën dhe shpërblimin e dhënies së pasurisë në rrugë të Allahut, me qëllim të sinqertë për t’u ardhur në ndihmë njerëzve që kanë nevojë. Fakti që në shpalljen e Allahut tregohet vlera e dhënies së pasurise për t’u ndihmuar nevojtarëve, mjafton si motivim dhe bazë e fortë për kalitjen e shpirtit solidar.