Zgjoji aftësitë dhe ndërto të ardhmen tënde
Titulli: Zgjoji aftësitë dhe ndërto të ardhmen tënde
Autor: Dr. Ibrahim el-Fekij
Përkthyes: Artan Ujkaj
Redaktor: Bujar Vërbovci
Kopertina: Bashkim Mehani
Përgaditi për shtyp: Bashkim Avdiu
Shtypi: FocusPrint – Shkup
Për botuesin: Bashkim Avdiu
Botues: Sira – Prishtinë
Në vitin 1984, një grup gjeologësh shkuan në Afrikë në kërkim të diamanteve dhe të gurëve të tjerë të rrallë e të çmuar. Mes atyre, qendej edhe një gjeolog japonez gë quhej Joki. Ky ishte një i ri rreth të tridhjetave, plot entuziazëm dhe gjallëri, dhe njihej për këmbënguljen dhe për dëshirën e tij për aventurë.
Joki zgjohej herët, që në orën pesë të mëngjesit, për të filluar udhëtimin e tij të përditshëm në kërkim të diamanteve dhe të gurëve të rrallë e të çmuar, pastaj kthehej në hotel në orën dhjetë të darkës. Ditët kaluan, dhe Joki nuk arriti të gjente asgjë me rëndësi. Pasi kaluan dy javë që kur kishte shkuar atje, ai vendosi t’i ndërpriste kërkimet dhe të kthehej në Japoni,pasi i kishte humbur të gjitha shpresat se do të mund të gjente ndonjë gje. Kjo ishte hera e parë në jetë, për Jokin, që ai po hiqte dorë nga qëllimi i tij…….
