Dyzet hadithe për personalitetin Islam
Titulli : Dyzet hadithe për personalitetin islam
Autor : Ali Hasen Abdul – Hamid el – Etheri
Përkthyes : Bekir Halimi
Kryeredaktor : Rafet Zaimi
Redaktor profesional : Bejtullah Halimi
Redaktor gjuhësor : Arjan Koçi
Kopertina dhe radhitja : Dorlir Kraja
Shtëpia botuese ” NuN ”
Botimi i këtij libri është një përpjekje modeste për t’ia shpërblyer hoxhës sonë , shejh Ali Hasen Abdul – Hamid el – Etheriut , për dijen që kemi marrë prej tij dhe si shprehje e mirënjohjes për dashurinë dhe respektin e madh që kishte për hoxhën tonë të dashur dhe me famë botërore , shejh Muhamed Nasirudin Albanin , Allahu i mëshiroftë që të dy ! Libri në fjalë është botuar para 18 vitesh dhe nuk e kishim në plan ribotimin e tij këtë vit sepse shumë tituj të rinj presin botimin e tyre të parë , mirëpo pasi të gjithë u pikëlluam prej lajmit të vdekjes së hoxhës sonë të dashur dhe duke menduar për mënyrën se si mund të shprehim mirënjohjen tonë ndaj tij dhe si ta shfaqim falënderimin tonë konkret dhe praktik për përfitimin prej tij , vlerësuam se ribotimi i këtij libri do ishte një hap që do e këtë dëshirë . përmbushte Pas konsultimit me disa hoxhallarë që e kanë njohur shejh Aliun dhe kanë mësuar dhe përfituar prej tij , vlerësuam se me ribotimin e këtij libri dhe librave të tjerë do të kryenim një obligim moral ndaj tij . Edhe pse ky libër është prej librave të parë që ka shkruar , kur ishte vetëm 28 vjeç , përzgjedhja e haditheve dhe renditja e tyre në një varg të ndërlidhur tematikisht njëra me tjetrën e ndihmojnë besimtarin që përfitimit nga këshillat , t’i bëhet i dashur mësimi i fesë nga hadithet e sakta të Pejgamberit , metodë e cila i garanton atij udhëtim të sigurt drejt Allahut të Madhërishëm . Borxhi ynë ndaj hoxhallarëve prej të cilëve kemi mësuar , duke filluar prej atyre që na kanë mësuar shkronjat e Kuranit e deri tek ata që na kanë mësuar çështjet më të rëndësishme të fesë , ngelet një borxh i madh , kështu që përveç lutjes për ta , na mbetet detyrë edhe publikimi i të mirave të tyre , i dijes dhe i veprave të tyre .
Kujdesi për këta dijetarë , përveç të qenët një mënyrë për të larë borxhin tonë ndaj asaj që kemi mësuar prej tyre , është edhe një mënyrë për të treguar sa e vlerësojmë ne dijen , sepse vlerësimi i tyre na është bërë detyrë për shkak të dijes që bartin ata . Dijetarët janë stolia e dynjasë , udhërrëfyesit e njerëzve në errësirat e natës , janë si shiu në kohë thatësie , janë si dielli për tokën e si shëndeti për njerëzit , madje njerëzit më shumë kanë nevojë për dije dhe dijetarë sesa për ushqim e pije . Imam Ibën Kajimi thotë : ” Dijetarët në tokë janë sikur yjet në qiell , nëpërmjet tyre e gjejnë rrugën të humburit , kurse nevoja e tyre për ta është më e madhe se nevoja e tyre për ushqim dhe pije .
