Hetime e vjelje për gjuhën shqipe

Libri: Hetime e vjelje për gjuhën shqipe
Autori: Qemal Murati
Botoi: Instituti Albanologjik
Formati: 17×24
ISBN: 9789951596718
Faqe: 530

Përmbledhja “Hetime e vjelje për gjuhën shgipe” e autorit të njohur të shkencave albanologjike, Prof. Dr. Qemal Murati, e cila pritet të botohet nga Instituti Albanologjik (2012), i sjell jetës shkencore të trevave shqiptare një mozaik të ri studimesh albano-ballkanologjike të organizuar në dhjetë pjesë. Pjesa e parë, e dyta, e treta dhe e katërta u kushtohen problematikave të historisë së gjuhës shgipe dhe të marredhënieve të saj me gjuhët fqinje; pjesa e pestë dhe e gjashtë trajtojnë probleme të leksikologjisë së gjuhës shqipe, dhe ndihmesën e figurave të shquara të albanologjisë, G. Meyer, S. Riza dhe H. Kaleshi; pjesa e shtatë trajton dukuri semantike në frazeologjinë krahasuese dhe praktikës së përkthimit; pjesa e tetë merrët me problemet sociolinguistike të kulturës dhe etikës së përdorimit të shqipës së folur e të shkruar; pjesa e nëntë sjell në vëmendjen tonë pasqyrimin e shqipës e të shqiptarëve në disa enciklopedi të vendëve fqinjë, nënkuptohet si kundërvënie ndaj asaj që shkruan enciklopedia maqedonase, dhe pjesa e dhjetë ka në qëndër të saj çështje të alfabetit të shqipes, të fatit të Institutit Albanologjik të Prishtinës, të dedikimeve (kushtesave) në punimet albanologjike, dhe në përmbyllje disa vërejtjeve për FESH-in. Secila pjesë shoqërohet në përmbyllje me literaturën kryesore dhe shkurtimet përkatëse, literaturë e cila paraqitet në mënyre integrale në fund të vëllimit.