Hyrje në të drejtën penale Islame
Titulli: Hyrje në të drejtën penale Islame
Autorë: Jusuf Zimeri
Recensentë: Mr. Taxhedin Bislimi, Sumeja Shabani – Juriste
Lektor: Selajdin Shabani
Redaktor: Zulhixhe Zimeri
Botues: Bashkësia Islame në Chavannes-pres-Renens, Lozanë
Vepra “Hyrje në të drejtën penale islame” nga autor prof. Jusuf Zimeri, është një vepër mëse e nevojshme për lexuesin tonë, ngase ky lloj i literaturës i mungon me të madhe opinionit tonë në gjuhën e tyre amtare, andaj mendoj se kjo vepër është edhe domosdoshmëri e kohës aktuale.
E drejta Islame është sistem i cili përfshin marrëdhëniet e individit me Krijuesin e tij, marrëdhëniet e individit me individin dhe me shoqërinë dhe marrëdhëniet e një shoqërie me shoqërinë tjetër. Ky legjislacion ka për qëllim sigurimin e paqes dhe harmonisë mes njerëzve, arritjen e interesit të përgjithshëm shoqërorë në jetën e kësaj bote si dhe fitimin e botës tjetër, dhe si i tillë përfshinë të drejtën personale, familjare, ekonomike, qytetare, civile, të drejtën penale etj.
Krimet janë dukuri shoqërore që e përcjellin shoqërinë njerëzore që nga fillimi i tendencave dhe mosmarrëveshjeve mes veti. Rrethanat dhe interesat e jetës shpeshherë e nxjerrin njeriun nga kontrolli duke mos nderuar rregullat dhe kriteret të cilat janë në interes të përgjithshëm të shoqërisë njerëzore siç janë interesat individuale, komerciale, politike, shoqërore, epshore etj.
