“Nga Varfëria ne Pasuri” ka meritën e veçantë të jetë libri i parë i shkruar nga mendja gjeniale dhe truri largpamës, i filozofit themelues të letërsisë së vetëndihmesës, James Allen.

Ky libër do të botohej në vitin 1901, dhe përmes faqeve të tij, autori orvatet të përballet me terrin dhe zjarret e vuajtjeve njerëzore anembanë botës, duke kërkuar pikësëpari shkakun, të cilin, pasi nuk ka arritur dot ta gjejë nëpër libra, rrjedhimisht ka për ta gjetur brenda qenies së tij, në shpirtin e vet, ku ndryhen njëherësh shkaku dhe natyra e vetvetishme e këtij shkaku dhe kësaj zymtësie jetësore.