Lidhja Shqiptare e Prizrenit ishte një organizatë politike ushtarake e cila në historinë e popullit shqiptar përbën ngjarjen më madhore pas epokës Skenderbejane. Ajo është ngjarja më e rëndësishme e Rilindjes Kombëtare Shqiptare që luajti rol të madh në ngritjen e vetëdijes kombëtare të popullit shqiptar. Ajo veproi në rrethanat e pas pushtimit të Sanxhakut të Nishit nga ana e Serbisë, atëherë kur Mali i Zi synonte pushtimin e një pjese të Shqipërise veriore dhe Greqia pushtimin e Çamërisë shqiptare.