Veprimaria e quajtur diplomatike, por tejet antishqiptare e hegjemoniste e Nushiqit, ne Kosovë, u zhvilua në momentin më të pavolitshem për shgiptarët, mu në mbarim të shekullit XIX dhe në fillim të atij XX, kur Turqia po dridhej nën peshën e trysnive të shtetëve të fuqishme të kohës e nga problemet e brendshme, që e kishin rënduar e varfëruar secilen pjesë të saj. Edhe për shqiptarët, të cilëve u ishte shtuar edhe dhuna dhe trysnia tejet e egër e fqinjëve, gjendja ekonomike dhe shoqërore ishte bërë e padurueshme dhe për ta kishte aguar një kohë shumë shumë kritike, e cila po i shpiente gjithnjë e më shumë dreit greminës.